نفسي أبوسك شوق من فـروة الـراس وأبوس جسمك ليـن دعسـات رجليـك
وإذا كسبت رضاك ما ابغي رضاء الناس ولا فيه شخص أغليه في كثـر مغليـك
تعال وأشرب مـن شفايفـك الإحسـاس وأسقيك من روحـي حنانـي وأداريـك
تعـال تنقذنـي مـن البـرد والـيـاس تعـال عيـش الحـب ربـي يخلـيـك
تعال رتبنـي تـرى الوضـع منحـاس تعـال تمسـح دمعـة اللـي ينـاديـك
تعال خذني (حب) مـن بيـن الأقـواس وأعطيك مـن صـدري حنانـاً يكفيـك
تعـال أنـا عطشـان بعـروق يبـاس تعـال تروينـي أنــا ميـتـاً فـيـك
تعال عطرنـي شـذا طيـب الأنفـاس تعـال جربنـي تـرى ويـن أوديــك
تعال في عيني عـوض كـل الأتعـاس تعال في عينـي عـن العالـم أخفيـك
تعال غير الناس واغلـى مـن المـاس تعـال فـي دمـي مـسـاره يحـيـك
تعال تطفي الشوق من عـذب الالعـاس تعال نطفي الشوق بالشـوق وأرضيـك
تعال وحدك بس مـن بيـن الأجنـاس تعـال تحيينـي مـن الحـب وأحييـك
تعال قبل المـوت والضعـف والبـاس تعـال وأقـبـل رجـولـك ويـاديـك
تعـال قـدام الخسـايـر والإفــلاس تعـال تغنينـي عـن الخلـق وأغنيـك
تعال دف الباب عـن قـرع الأجـراس تعال فـوت القلـب مـا حـد يباريـك
تعال تجلـس بالحشـا خيـر مجـلاس تعال فـي روحـي ضلوعـي تغطيـك
تعال أبـوس الـراس وأقبـل السـاس تعال يروينـي حنانـك وأنـا ارويـك
يا شوق حزني جاك رسمـاً بقرطـاس تعـال يـا روحـي ذبحنـي تغلـيـك
موضوع: $$$ بوسة حب $$$ 
الأربعاء أغسطس 13, 2008 12:05 pm
